Turismo de Galicia

PROXECTO MIÑO DESTINO NAVEGABLE

O obxectivo principal do proxecto é mellorar a navegabilidade do río Miño Internacional, poñer en marcha a xestión compartida do espazo Rede Natura 2000 do baixo Miño/Rio Minho e aproveitar a existencia dun patrimonio cultural e natural de alto interese turístico no val do Miño Internacional, asociado á especificidade da fronteira, convertendo ese potencial turístico nunha vantaxe competitiva fronte a outros destinos.
O partenariado do proxecto está formado polos seguintes socios:

• Concello de Salvaterra
• Municipio de Monção
• Concello de Tui
• Municipio de Valença
• Dirección Xeral de Patrimonio Natural da Xunta da Galicia
• Axencia Turismo de Galicia
• Turismo Porto e Norte de Portugal

O resultado que se pretende é situar o río Miño transfronteirizo, como un destino turístico de referencia, único e diferenciador, consecuencia da xestión sustentable e integrada do destino transfronteirizo e da diversidade cultural e natural do val do Miño. As actuacións van dirixidas á poboación transfronteiriza co fin de incrementar a diversificación da económía local e mellorar a calidade ambiental da súa contorna. O proxecto permitirá tamén aumentar a conexión entre a poboación e as zonas das ribeiras do río e os ecosistemas asociados e concienciar á poboación local da necesidade da súa conservación e valorización.