Turismo de Galicia

0249_VISIT_RIO_MINHOPLUS está financiado nun 75% polo Fondo Europeo de Desenvolvemento Rexional FEDER a través do Programa de Cooperación Transfronteiriza Interreg España-Portugal (POCTEP) 2021-2027. O proxecto contribuirá á consolidación da marca Rio Minho e á creación de novos produtos turísticos transfronteirizos na área de cooperación Galicia – Norte de Portugal, así como ao desenvolvemento económico da zona Visit Miño.

O proxecto prevé a protección do medio natural e a herdanza patrimonial, a súa posta en valor e o seu aproveitamento como atractivos sobre os que sustentar a creación e consolidación dun destino turístico diferenciado, intelixente e sostible. Isto contribuirá á fixación de poboación ao territorio e mellorará a resposta ao reto demográfico, en especial ao retroceso poboacional e ao envellecemento.

Grazas á riqueza natural, gastronómica e patrimonial deste territorio, a candidatura pretende converter os recursos endóxenos en elementos crave do desenvolvemento económico mediante o seu aproveitamento turístico, cun enfoque de desenvolvemento local e impulsando a consolidación dun destino turístico intelixente e sostible como instrumento para abordar o reto demográfico ao que se enfronta o territorio. 

Data de inicio 01/01/2024 / Data de fin 31/12/2026