Turismo de Galicia

0293_GERÊS_XURÉS_MAIS_SUSTENTAVEL_1P está cofinanciado nun 75% polo Fondo Europeo de Desenvolvemento Rexional FEDER a través do Programa de Cooperación Transfronteiriza Interreg España-Portugal (POCTEP) 2021-2027 e céntrase na Reserva da Biosfera Transfronteiriza Gêres-Xurés. Recoñecida pola UNESCO en 2009, que constitúe o único espazo natural protexido de carácter transnacional da Eurorrexión España-Portugal.

Este proxecto xorde coa vontade de dar continuidade aos traballos realizados no  proxecto Gêres Xurés Dinámico que se desenvolveu entre os anos 2016 e 2019 e centrouse en fortalecer a entidade e a identidade da Reserva a través de medidas como a posta en marcha de talleres de capacitación, a implementación de sistemas de control de visitantes e de puntos de información virtual; así como doutras accións, como a promoción de produto turístico baseado no patrimonio (megalitismo).

GERÊS_XURÉS_MAIS_SUSTENTAVEL está a ser clave para reforzar sinerxias entre ambos territorios e posibilitar tamén seguir profundando nun modelo turístico sostible e diversificado, con atractivos en distintos lugares do noso territorio. O proxecto reúne ás administracións públicas con competencias na xestión do territorio da Reserva da Biosfera Transfronteiriza Gerês-Xurés (RBTGX), no seu aliñamento cos novos estándares de sostibilidade, actuando na recuperación e valorización do patrimonio material e inmaterial da RBTGX, mellorando os servizos turísticos e facendo máis eficiente o seguimento da sostibilidade do territorio, sen esquecer a formación dos residentes, o sector privado e os turistas para o turismo ecolóxico, para a economía circular e o emprendemento para as viaxes responsables.