CURSO MOTIVACIÓN POSTPANDEMIA PARA AS AXENCIAS DE VIAXE E EMPRESAS TURÍSTICAS - MODALIDADE PRESENCIAL
Pechado
CURSO MOTIVACIÓN POSTPANDEMIA PARA AS AXENCIAS DE VIAXE E EMPRESAS TURÍSTICAS - MODALIDADE PRESENCIAL
Para facer a solicitude de praza: Pique AQUI
Programa
Este curso presencial de motivación enmárcase dentro do Plan de Formación de Turismo de Galicia 2022, no que se contempla dentro dos seus obxectivos, entre outros, a formación para desenvolver estratexias de resiliencia para as traballadoras e traballadores das empresas turísticas.
OBXECTIVOS:
- Desenvolver a autoconfianza no potencial de cada persoa
- Incrementar a motivación, implicación e satisfacción co traballo
- Favorecer a colaboración mellorando as relacións interpersoais
- Ampliar os potenciais e o estilo comunicación de cada individuo
CONTIDOS:
- O liderado como ferramenta de poder
- A forza creadora da linguaxe optimista
- A gratificación da crítica construtiva
- Comunicación para o benestar laboral
METODOLOXÍA:
Curso de presencial de 3 horas de duración en grupos reducidos, no que haberá unha parte teórica e otra práctica na que e resolverán dúbidas aos participantes.
DATA: luns, 3 de outubro de 10:00 a 13:00 h.
LUGAR: Centro Superior de Hostelería de Galicia (CSHG). Aula: Room MATE. Edificio Formación Contnua. Estrada de Noia, Km 1 A Barcia, Santiago de Compostela.
Nº PRAZAS: 15
TUTORIZACIÓN: Mar Castro
Doutora en Comunicación pola Universidade de Vigo e profesora universitaria e consultora empresarial en Oratoria Dixital, Protocolo Social e Empresarial, Marca Persoal e NETiqueta.
Relator en Congresos de Comunicación, Fundacións, Escolas de Negocio e Universidades españolas e Iberoamericanas.Presentadora e dinamizadora de eventos sociais e profesionais.Autora de varias publicacións sobre Protocolo, Oratoria e NETiqueta, e colaboradora habitual en medios de comunicación, revistas e bitácoras especializadas. Creadora do blogue de comunicación: www.marcastro.es Gañadora The Napolitan Victory Awards 2019, categoría Mujeres Influentes COMPOL, concedido pola Washington Academy of Political Arts and Sciences.Referente galega en Comunicación, recoñecemento concedido por Executivas de Galicia.
DESTINATARIOS:
Persoal das axencias de viaxes con sede en Galicia, ou empresas do sector turístico que desexen incrementar a súa motivación no traballo trala pandemia.
REQUISITOS:
Estar a traballar (empregado/autónomo) ou en situación de desemprego no sector turístico de Galicia.
CERTIFICADO:
Obterán certificado de participación expedido por Turismo de Galicia.
PREZO DO CURSO:
O curso é gratuíto, financiado por Turismo de Galicia.
INSCRICIÓN:
Para facer a solicitude de praza: Pique AQUI
Máis información: formacion.turismo@xunta.gal