Pechar
Parque Natural Baixa Limia – Serra do Xurés
Play Ampliar
Pechar
Parque Natural Baixa Limia – Serra do Xurés
Play Ampliar
Pechar
Parque Natural Baixa Limia – Serra do Xurés
Play Ampliar
Pechar
Parque Natural Baixa Limia – Serra do Xurés
Play Ampliar
Pechar
Parque Natural Baixa Limia – Serra do Xurés
Play Ampliar

Parque Natural Baixa Limia – Serra do Xurés

O macizo granítico que compartimos con Portugal é dunha extraordinaria singularidade paisaxística e natural. Nos seus cumios, as aguias reais defenden o seu territorio. 

Os penedos das aguias

Ao sur de Galicia e limitando con Portugal esténdese o Parque Natural Baixa Limia-Serra do Xurés, irmán do Parque Nacional Peneda-Gerês de Portugal, polo que, en conxunto, constitúen un espazo natural protexido de grandes dimensións que conforma a Reserva da Biosfera Transfronteiriza Gerês-Xurés.

Dividido en dous polo río Limia, a granítica xeoloxía do macizo condiciona a paisaxe dominada por afloramentos rochosos e profundos vales que conforman as diferentes serras do Parque Natural. Nas partes baixas, pequenas aldeas rodeadas de cultivos e pequenos bosquetes conforman un conxunto de gran beleza e interesantes poboacións de aves.

Os roteiros
Mapa de Parque Natural Baixa Limia – Serra do Xurés
Abrir mapa interactivo

Roteiro en coche "Chrysaetos"

MELLOR ÉPOCA

De marzo a setembro

DISTANCIA

19 Km

DURACIÓN

2 horas

DIFICULTADE

Ningunha

CONCELLOS

Entrimo

PERCORRIDO

Padrendo - Lantemil - Olelas

Mapa de Roteiro 1
Abrir mapa interactivo

Puntos clave da ruta

  1. Na contorna das aldeas (2) son moi interesantes as andoriñas comúns e as de cu branco. Tamén o rousinol e moitas outras especies de pequenas aves como o escaso picanzo cabecirrubio.
  2. No encoro (3) nidifican a píllara pequena e, curiosamente, a gaivota patiamarela.
  3. Nas zonas de monte, desde a aldea da Illa (4) ata Olelas (6), habemos estar moi atentos á aparición da aguia real, o voitre leonado, en ocasións o voitre negro e a aguia cobreira, entre outras.
  4. Nas zonas de piñeiral (5) aberto é posible detectar cruzabico común.

Roteiro a pé "Arborea"

MELLOR ÉPOCA

De marzo a setembro

DISTANCIA

7 Km

DURACIÓN

2 horas

DIFICULTADE

Baixa

CONCELLOS

Muíños

PERCORRIDO

Requiás - Ermida do Crasto - Guntimil

Mapa de Roteiro 2
Abrir mapa interactivo

Puntos clave da ruta:

  1. A ruta parte de Requiás (1). Na súa contorna podemos observar rousinol común así como cotovía pequena, escribenta común ou millafre negro.
  2. Na zona máis de monte (2) son numerosas as aves rapaces como a tartaraña cincenta, o lagarteiro común ou a aguia calzada, e pequenas aves como o picanzo vermello
  3. Nas partes máis altas, no límite con Portugal (3) podemos ver gatafornela e tartaraña cincenta.

Roteiro a pé "Fulvus "

MELLOR ÉPOCA

De abril a setembro

DISTANCIA

6,3 Km

DURACIÓN

2 horas

DIFICULTADE

Baixa

CONCELLOS

Entrimo

PERCORRIDO

Queguas - Leboreiro

Mapa de Roteiro 3
Abrir mapa interactivo

Puntos clave da ruta:

  1. Partindo da aldea de Queguas (1) en dirección á ermida da Ascensión, o itinerario discorre por unha zona con mosaico de bosques e prados (2) onde podemos ver cotovía pequena, gabeador azul e azor común.
  2. A partir da ermida (3) o hábitat é de monte baixo, un bo sitio para observar por exemplo tartaraña cincenta e gatafornela, ou voitre leonado. Debemos estar atentos aos cumios, onde pode aparecer a aguia real.
Voitre negro
Aegypius monachus
Escribenta común
Emberiza cirlus
Voitre (leonado)
Gyps fulvus
Serra do Xurés
Serra do Xurés
Serra do Xurés
As aves

Ameazada de extinción, a aguia real é obxecto dun programa de reforzo da poboación que ten no Xurés o seu epicentro. Así, nas partes altas é común observala canda outras rapaces como a aguia cobreira ou os voitres leonados e negros. Nos piñeirais destaca sen dúbida o cruzabico común.

Consellos e recursos

  • Estamos nun Parque Natural, polo que debemos respectar a súa normativa. Na zona hai moito risco de incendio en temporada seca.

  • Na primavera e no verán pode ir moita calor, polo que cómpre usar protección solar e levar auga en abundancia. 

  • As estradas son estreitas e sinuosas, hai que conducir con moita atención.

  • É habitual atopar gando nas excursións, xa que é o medio de vida de moitas persoas. Non debemos molestalo e darémoslle prioridade de paso.

Este portal emprega cookies propias ou de terceiros con fins analíticos, así como ligazóns a portais de terceiros para poder compartir contido nas redes sociais. Pode obter máis información na política de cookies.

Arriba