Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
A MIÑA VIAXE
Preto da cidade de Vigo atopamos Baiona, unha vila de notable atractivo histórico e paisaxístico que, para sorpresa de moitos, ofrece tamén unha abondosa variedade de aves invernantes e en migración.
En efecto, desde a atalaia natural que é o antigo faro do cabo Silleiro podemos detectar nutridos fluxos de aves de paso, mentres que a observación das limícolas nos ha deleitar nas praias e marismas.
Esta é unha área de litoral rochoso con zonas de praias, como a da Ladeira. No límite con Nigrán, a marisma da Ramallosa é un dos puntos de maior interese natural grazas ás súas amplas xunqueiras e a un produtivo intermareal, complementado con zonas de dunas e pequenos ríos que verten aquí as súas augas.
Máis ao leste, as praias de Arealoura e Patos, en Nigrán, tamén nos han ofrecer boas oportunidades para realizar avistamentos. O mesmo sucede no impoñente cantil do Monteferro. As zonas de cultivos e as pequenas áreas de bosque autóctono arredor da vila de Baiona tamén poden depararnos interesantes observacións. Cara ao oeste, a costa rochosa toma protagonismo ata chegar ao cabo Silleiro, unha atalaia onde, con prismáticos ou telescopio, habemos gozar do espectáculo da migración de centos de aves mariñas.
Durante a estadía invernal
21 Km
Entre 1 e 2 horas
Ningunha
Baiona, Nigrán, Vigo
Cabo Estai - Praia de Patos - Praia de Arealoura - Marisma da Ramallosa - Praia da Ladeira - Porto de Baiona - Cabo Silleiro
Puntos clave da ruta
2 horas en bicicleta, 3 horas a pé
Ningunha
Nigrán
Panxón - Monteferro - Panxón
Puntos clave da ruta:
En especial nos meses de setembro a novembro, e tamén en marzo e abril, é habitual ver fronte ao Silleiro diversas aves mariñas como mascato do atlántico, furabucho das Baleares, pentumeiro, e carráns comúns e cristados. Nas illas Polbeiras, xusto ante este observatorio da migración, hai invernada regular de pilros escuro e virapedras, ademais da sempre apreciada pica costeira. Máis ao leste, as praias da Ladeira, Arealoura e Patos son lugares de observación habitual de limícolas, entre elas a ameazada píllara das dunas, e na marisma da Ramallosa recalan en migración e invernada cullereiro e numerosos patos e garzas.
Levar roupa de abrigo e impermeable, sobre todo se hai ondada no cabo.
Á praia da Ladeira ir de mañanciña, xa que durante o resto do día o elevado número de paseantes con cans espanta as aves.
Na marisma da Ramallosa debemos evitar entrar na zona intermareal.
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración
Lembra que pode haber recursos que non estean xeorreferenciados e, polo tanto, non os esteas visualizando.
