Construída no s. XVIII. Ten unha nave de planta rectangular, muros de sillarexo e cachote, cuberta a unha e tres augas con tellado de tella. A fachada, de cantería granítica, coa torre-campanario pegada, ten porta enmarcada por un arco de medio punto con doelas, un van rectangular e unha fornela, coa imaxe de San Martiño, rematada por un arco de medio punto e dúas placas. Corpo das campás coroado por unha cúpula. Sancristía pegada a un dos laterais da nave.