Construída no s. XII, pero sofre importantes reformas no s. XIX e s. XX. Ten nave de planta rectangular, muros de cachotaría e cadeirado, cuberta a tres augas e tellado de tella. A fachada, de cantería granítica, ten porta rematada con dobre arco de medio punto e coroada por un van. Sancristía pegada ao presbiterio. Espadana, engadida no s. XIX, con dous corpos e dous vans, ambos os dous con arcos de medio punto. Ten unha cruz de prata feita polo prateiro compostelán Sebastián Felipe entre 1598 e 1624 no interior.