Igrexa de planta rectangular dunha soa nave, con sancristía engadida no muro setentrional. Fabricada en cachotería granítica, agás reforzos de cadeirado de vans e esquinais, rebocada de branco deixando á vista o cadeirado granítico de esquinas. Cuberta de lousa a dúas augas en nave e a tres na ábsida. Fachada con porta principal de arco de medio punto e espadana de dous ocos, con acceso exterior a través de escaleiras. Interior: bóveda de crucería en ábsida, arco triunfal de medio punto, inexistencia de retablo e no seu lugar un gran crucifixo, e interesantes talles de Santo Antonio de Padua e San Roque, entre outras. Adro-cemiterio en torno. Parte do cemiterio é de estilo neogótico, de grande singularidade dentro do municipio pontés. Dentro do recinto da igrexa sitúase un sarcófago de granito, resto dun antigo cemiterio paleocristiano antano situado no Campo da Igrexa.