Edificio de orixe románica que foi reformada no século XVIII. Ten unha planta rectangular formada por unha nave e un presbiterio rectangulares, e unha sancristía que se pega ao muro dereito do presbiterio, tamén de planta cadrada. A nave conserva íntegra a fábrica románica, con dúas portas de acceso, a principal, e unha no lateral dereito, e comunícase por medio dun arco triunfal de medio punto que foi engadido coa reforma do século XVIII. A portada principal ten dúas arquivoltas de aresta e impostas comúns con bólas. A arquivolta exterior aséntase sobre capiteis de follas de acanto que rematan en bólas no dereito e en espiral no esquerdo. O tímpano é monolítico, con crismón. A nave conserva, ademais, varios canecillos no tellaroz, decorados con motivos xeométricos, vexetais, antropomorfos e zoomorfos. O frontis, ademais de contar coa portada románica, sobre esta hai unha seteira, e culmínao unha espadaña dun solo van.