Este antigo colexio xesuítico foi construído entre 1734 e 1737 polo arquitecto Simón Rodríguez sobre o solar onde estaba o convento de Santa María a Nova. Cadeirado de granito e cubertas de tella. Construído en chafrán pola proximidade da muralla da cidade. Sobre a porta principal obsérvanse dous escudos: o do arcebispo Yermo e o do monarca Carlos III. Sobre a porta lateral está o escudo do arcebispo San Clemente e o tímpano gótico coa Epifanía, que pertencera á antiga igrexa de Santa María a Nova.
Actual Facultade de Filosofía da Universidade de Santiago de Compostela (USC).