A orixe desta igrexa de considerables dimensións, anteriormente coñecida como Parroquia de San Xes, remóntase ao século XII, aínda que a edificación actual data do XVIII. A fachada neoclásica atópase entre pilastras rematadas en pináculos con bóla ferreriana. En 1826 construíronse a cornixa e a torre, cun óculo sobre o pórtico principal. A partir de 1486 comezou a ser coñecida tamén por Santa María Madalena, nome que se mantivo ata a actualidade, perdendo definitivamente –ignóranse as causas– o primitivo de San Xes.
Situada no barrio xudeu, hoxe dedícase a actividades culturais.