Esta igrexa data da primeira metade do s. XVIII (ou foi reconstruída entre 1722 e 1744). É de planta de cruz latina. A capela maior está dividida en dous tramos cun arco de medio punto e as bóvedas de canón con lunetos. O retablo maior (1737) é de estilo barroco, mentres que o da Dolorosa é unha mostra de clasicismo ferriniano. A Virxe, case de tamaño natural, ten a pegada estilística do escultor Mateo de Prado.
As festas patronais celébranse os días 1,2 e 3 de Agosto.