PARQUE NATURAL O INVERNADEIRO
Natureza en estado puro
Visita estas serras para coñecer o lobo e as súas principais presas, o corzo e o xabaril
Enclavado no Macizo Central ourensán, este espazo protexido ocupa 6.000 hectáreas nas que non existen asentamentos humanos na actualidade, pero numerosos elementos de patrimonio etnográfico e industrial dan mostras da vida das xentes que habitaron este lugar.
A sucesión de profundos vales e redondos cumes é froito de épocas pasadas que deron lugar a un sorprendente circo glaciar e a impresionantes fervenzas que se poden observar dende o alto das barrancas.
Dous ríos configuran principalmente este territorio: Ribeira Grande e Ribeira Pequena. Sobre eles descargan numerosos cursos de auga que desembocan no río Camba e terminan no río Sil.
Centro de acollida a visitantes do Parque natural de O Invernadeiro 
Parque natural de O Invernadeiro 
A interpretación da vida salvaxe nunca foi máis accesible
O Invernadeiro é unha das mellores aulas da natureza da comunidade galega. Non perdas a oportunidade de visitar o Centro de interpretación de Ribeira Grande.
Na Ribeira Pequena destaca a ruta dos cercados, que nos achega aos espazos onde habitan varias especies como cervos, cabras montesas, gamos, rebezos e carneiros bravos. Estas instalacións facilitan o control das poboacións e fan da súa observación unha das experiencias de máis grato recordo entre os visitantes.
Se es afortunado, poderás descubrir algunhas das familias de lobos existentes. Aguias, falcóns e voitres negros son exemplares que poderás avistar cos teus prismáticos.
O Invernadeiro é unha das mellores aulas da natureza da comunidade galega. 
Non perdas a oportunidade de visitar o Centro de interpretación de Ribeira Grande 
Descubre o pracer de perderte sabendo en todo momento cal é o teu destino
Camiñar por este lugar será o máis parecido a sentirte illado/a do mundo que te rodea. Calquera das rutas propostas pódese converter nun momento máxico ao compartir a túa experiencia coa fauna que habita o Parque. Debido ao seu grande interese botánico, faunístico e xeomorfolóxio, recomendámosche que te fagas acompañar por un guía.
A Ruta de Aceveda ofrece espectaculares panorámicas do val de Ribeira Pequena e conta con varios bosques de acivros no seu percorrido. A Ruta da Auga e a das Troitas pódense combinar dende a Aula da Natureza de Ribeira Grande.
 |  |  |  | |
|---|---|---|---|---|
| Ruta do Valdeirexa ou dos Cercados | MEDIA / ALTA | 3 Km | 2 h | CIRCULAR |
| Ruta das Troitas | BAIXA | 3,5 Km | 2 h | CIRCULAR |
| Ruta da Ortiga | ALTA | 22 Km | 7 h | CIRCULAR |
| Ruta da Corga ou do Depósito | ALTA | 2 Km | 1,30 h | CIRCULAR |
| Ruta da Auga | BAIXA | 4 Km | 2 h | CIRCULAR |
| Ruta da Aceveda | MEDIA | 8 Km | 3,30 h | CIRCULAR |
Centro de Recepción do Parque Natural do Invernadeiro Ribeira Pequena, s/n.
32547 Vilariño de Conso
Contactar antes:
T. 988 386 376 - 988 386 029
Calquera das rutas propostas pódese converter nun momento máxico 
Recomendámosche que te fagas acompañar por un guía 
Vai ser o máis parecido a sentirte illado/a do mundo 
A Ruta de Aceveda ofrece espectaculares panorámicas do val de Ribeira Pequena 
Non perdas a oportunidade de visitar un dos santuarios da fauna galega así e unha das súas principais reservas botánicas.
Escolle a Senda da Auga ou das Troitas para descubrir o espectacular ecosistema fluvial do río Ribeira Grande.
Se es un amante da natureza, non podes deixar de visitar no Parque este espazo cunha área expositiva permanente.
Reconvertida nun pequeno museo que rememora a época na que máis de 400 habitantes da zona traballaban na industria papeleira.
