PARQUE NATURAL MONTE ALOIA

O parque natural máis antigo de Galicia

tb://14954/plano.png

O bosque imaxinado

Parque natural Monte Aloia

O monte alberga restos prehistóricos e romanos e a súa historia está rodeada de lendas

Declarado Parque Natural en 1979, o primeiro de Galicia, o Monte Aloia destaca polos 629 metros de altitude do Alto de San Xiao. O enxeñeiro forestal Rafael Areses transformou esta paisaxe hai cen anos cunha exótica reforestación que incluía vexetación autóctona e outras especies, como o ciprés, o abeto e cedros do Líbano, entre outras.

Recomendámosche visitar a Casa Forestal, un curioso edificio que alberga o Centro de recepción de visitantes. O monte alberga restos prehistóricos e romanos e a súa historia está rodeada de lendas, como a que afirma que se trata do mítico Monte Medulio, escenario do suicidio colectivo das tribos celtas antes de caeren nas mans dos romanos.

Na Ermida de San Xiao celébrase unha romaría popular a finais do mes de xaneiro na que a tradición manda subir ao monte dende o municipio de Tui.

ACCESOS: O acceso dende Tui, Gondomar e Baiona faise pola estrada PO-340 para continuar en dirección ao monte Aloia ata alcanzar a Ermida de San Xiao. Tras abandonar a aldea de Frinxo, atoparemos un desvío para acceder á Casa Forestal que alberga o Centro de interpretación da natureza.
tb://14947/camara.png

As mellores panorámicas

As mellores panorámicas

Descubre a paisaxe do Baixo Miño ata as Illas Cíes dende as alturas

Non esquezas incluír uns prismáticos na túa visita.

Os seis miradoiros do Monte Aloia non defraudan en días claros. Poderás desfrutar de espectaculares vistas dos vales do Miño e do Louro, da desembocadura do Miño, do monte Santa Trega ou das Illas Cíes.

Varios dos miradoiros destacan polo seu deseño, xa que se construíron varandas de pedra que imitan os troncos das árbores coa intención de fusionarse coa paisaxe que as rodea.

tb://14956/sendeirismo.png

Sendeirismo polo Monte Aloia

Sendeirismo polo Monte Aloia

Descubre o pracer de perderte sabendo en todo momento cal é o teu destino

Son percorridos moi sinxelos e fáciles de camiñar.

A senda dos Muíños do Tripes está formada por pasarelas e pontes de madeira que permiten visitar un conxunto de muíños rehabilitados. A ruta Rego da Pedra pódese empezar dende a propia Casa Forestal ou dende a aldea de Frinxo, percorrendo unha antiga canalización de pedra construída para levar auga aos campos de cultivo.

  Dificultade Distancia Tempo Tipo
Senda das UdenciasBAIXA600 m30 minLINEAL
Senda botánicaBAIXA400 m30 minLINEAR
Rego de PedraMEDIA2,4 Km1,30 hCIRCULAR
Muíños do TripesBAIXA / MEDIA2,5 Km1,30 hCIRCULAR
Muíños de Paredes / Muíños do DeiqueMEDIA / ALTA6,5 Km3,30 hLINEAL
Castro Alto dos CubosBAIXA4,5 Km2 hCIRCULAR
Cabana-CabaciñaBAIXA / MEDIA2 Km1 hCIRCULAR
A MurallaMEDIA2,5 Km2 hCIRCULAR
tb://14963/ruta-por-estrada.png

Ruta do Baixo Miño

Ruta do Baixo Miño

Embárcate nunha viaxe por un territorio compartido polos montes Aloia e Santa Trega, o Mar Atlántico e o río Miño

Propoñémosche un itinerario de tres días que ten como obxectivo final visitar o Parque e poder contemplar dende o seu punto máis alto parte do percorrido que realizaches ata chegar a el. Poderás combinar o coche con curtos percorridos a pé.

O primeiro día visitaremos Baiona e Oia, e finalizaremos na Guarda, no Monte Santa Trega.

O segundo día partiremos cara ao Rosal, sede de varias adegas da D.O. Rías Baixas, e visitaremos as localidades de Goián e Tomiño.

O último día resérvao para visitar a cidade histórica de Tui e o Parque Natural do Monte Aloia.

MÁIS INFORMACIÓN EN:

Centro de Interpretación da Natureza Casa Forestal Ingeniero Areses Frinxo, 37
Pazos de Reis 36715. Tui
T. 886 120 650

Descarga do folletoDescarga aquí o folleto en formato PDF
Aloxamentos | Restaurantes | Turismo activo e deportivo
Non deixes de ver
Non deixes de ver
Unha selección de catro visitas obrigadas que non te deixarán indiferente e que encarnan a esencia do Parque natural Monte Aloia
Cruz de Pedra
Cruz de Pedra

Subir ao alto de San Xiao para contemplar a panorámica da desembocadura do río Miño e visitar a cruz construída en 1900 para celebrar o novo século.

Castro Alto dos Cubos
Castro Alto dos Cubos

Visitar os restos arqueolóxicos deste asentamento prerromano a través dunha ruta de 4,5 quilómetros que empeza na aldea de Frinxo.

Senda Botánica
Senda Botánica

Un pequeno itinerario xunto á casa Forestal que mostra con paneis explicativos a diversidade vexetal e ensina a identificar as especies a través de xogos.

Casa Forestal do Enxeñeiro Areses
Casa Forestal do Enxeñeiro Areses

Cunha orixinal construción que data de 1921, encontraremos nela unha exposición permanente e extensa información sobre o Parque.

Arriba
Axúdanos a mellorar!