Miradoiros do Cantábrico

Antes de chegar á vila de Bares, cóllese unha pista asfaltada á esquerda que en apenas 1,4 km lévanos ata unha antiga garita de vixilancia da costa. Dende aquí xa albiscamos parte do litoral da costa luguesa e como a península onde se atopa a Estaca de Bares, extremo setentrional da península Ibérica, se adentra no mar Cantábrico.

De seguido tomamos un camiño forestal que nos vai ofrecendo vistas da ría do Barqueiro, e con varios puntos panorámicos ao longo de case que 1 km de percorrido, con curiosas formas rochosas, moldeadas polos ventos e a chuvia. Ao rematar, temos unha visión espectacular do litoral de Ortigueira, que abrangue dende Os Picóns de Loiba ata o cabo Ortegal e A Capelada, xa no concello de Cariño.

Garita de Bares (43°45'43.90''N / 7°41'59.41''O)

O Chao da Caldeira (43°45'24.23''N / 7°42'24.21''O)