Señorial pazo modernista, construído a finais do século XIX e hoxe transformado nun establecemento ambientado ó estilo da época. Conta con 13 cuartos situados na Casa Nobre (Edificio principal) e 6 nun anexo no que se situaban cortes de cabalos e almacéns (Edificio anexo), todos exteriores e con cuarto de baño, calefacción, secador, TV, teléfono e Internet wi-fi. Tamén dispón de amplos salóns, comedor, 10.000 metros de xardín cunha ampla piscina e un salón para eventos.

É un lugar ideal tanto para o descanso como para gozar do seu variado entorno natural e monumental, rico sobre todo en arte románica, así como das saudábeis augas termais que abondan nas proximidades. Tamén pode usarse como “campamento base” dende o que desprazarse a coñecer calquera punto de Galicia ou do norte de Portugal.