Realizado en granito. Posúe cruz circular, leñosa con nós, coas imaxes de Cristo crucificado con tres cravos, inclinando a cabeza cara á dereita, mans abertas, con coroa de espiñas e pano de pureza suxeito cunha corda; e no reverso a Dolorosa coas mans en cruz sobre o peito, cunha espada cravada e sobre peaña dun anxo; capitel cuadrangular, con astrágalo cuadrangular liso, ábaco de lados curvos e vértices achaflanados, volutas, orlas vexetais e anxos; fuste octogonal con pedestal cuadrangular; base cuadrangular que remata con chafráns; plataforma cuadrangular de catro graos.