Desde o centro de Moreda, o roteiro ascende pola aldea e polo Carrozo da Gralleira nun amplo zigzag. A subida permite gozar de fermosas vistas sobre o val do Rego da Barxa e da Devesa da Rogueira. Na crista da lomba do Monte Cido atópase sinalizado o acceso ao seu cordal, coñecido polos seus importantísimos restos arqueolóxicos de necrópoles e castros, así como pola sua microrreserva de orquídeas.

A finais de 2018, colocouse un monólito en conmemoración da aparición das primeiras mostras de escritura documental romana no noroeste peninsular, xa que no Monte Cido foron descubertos varios restos de época romana.

A senda descende ao val e cruza o leito do Carrozo de Muiñelo. Na baixada descubriremos as ruínas do castelo de Carbedo. Tras atravesar novamente o curso do río, un forte zigzag ascendente lévanos á outra ladeira do Monte Cido para regresar a Moreda.