Igrexa de estilo románico que conserva case íntegra a fábrica orixinal. Os muros que a conforman son de cachotaría e cadeirado de granito, e a cuberta de tella a dous e catro augas. Ten unha nave de planta rectangular cunha única portada, a principal. O presbiterio é de planta cadrada, separado da nave por un arco triunfal de medio punto rebaixado. A nave conserva íntegra a fábrica románica, con dúas seteiras nos muros laterais. A nave ten baixo o tellaroz rústicos modillóns xeométricos. A portada principal ten un arco de medio punto de dúas arquivoltas, a interior de aresta viva, cun lintel monolítico, liso e imposta de billetes sobre xambas de baquetiñas. Sobre a portada hai un ventanal rectangular, e culmina o fronte unha espadana dun van.