Igrexa de estilo barroco. Planta de cruz latina, con única nave, presbiterio e dúas pequenas capelas laterais. No interior, espazo delimitado entre a nave e o presbiterio e acceso ás capelas laterais mediante arcos triunfais. Coro alto con teitume de madeira e acceso por escaleira de pedra. No exterior, muros revogados e pintados de branco, agás nos esquinais e recercado dos vans de ventás e porta. Cuberta de lousa a dúas augas. A fachada principal conta con porta rectangular alintelada e pequeno oco para a iluminación natural. Sobre a cornixa destaca o campanario, composto por dous corpos, o primeiro alberga dúas campás e o segundo con función ornamental. Curiosa sensación visual de verticalidade e inestabilidade, propiciada pola superposición de elementos no campanario.