A parroquia de Viladesuso foi en tempos un barrio importante de Mougás que contaba con ermida propia dedicada ao San Ángel Custodio. Unha vez que se independendizou como parroquia a finais do século XVIII empezouse a edificar o templo actual no sitio da antiga capela. A nova igrexa instituíuse baixo o padroado de Arcanxo san Miguel. Consta dunha soa nave e esvelta torre-campanario de corpo cuadrangular. A fachada principal, moi simple, disponse a xeito de frontón coroado por cruz e fraqueada nos extremos por dúas especies de pilastras rematadas en pináculos con bólas.