Camiño de Santiago
Natureza
Cultura e Patrimonio
Mar e Costa
Rutas
Gastronomía
Turismo de Saúde
Promocións para disfrutar agora
Axenda cultural
Vai pasar... Ver todos
Esta capela, pegada ao convento de San Francisco polo seu lado norte, erixiuse entre 1681 e 1706 seguindo as trazas dadas polos arquitectos Domingo de Andrade e Diego de Romay. O templo é de planta rectangular, de nave única e cuberta con bóveda de canón reforzada por arcos faixóns. A cabeceira, de planta rectangular, péchase cunha cúpula sobre pilastras toscanas. Un pequeno coro levántase aos pés do templo.
O acceso á rúa facilítase por unha porta aberta no muro oriental, mentres que a occidental se articula por medio de cinco arcos que, funcionando a xeito de solios, se destinan a enterramentos e articulan os cinco corpos da nave. A fachada, de gran sinxeleza, remata cun campanario de planta rectangular, arcos de medio punto e coroado con cupuliña. A revocadura cobre os muros do templo, con excepción dos elementos en cadeirado de granito que bordean os vans.
Este portal utiliza cookies propias de tipo técnico e de terceiros para mellorar, mediante a análise da navegación, o servizo ofrecido. As cookies non se utilizan para recoller datos persoais. Coñeza como as usamos e de que maneira pode cambiar a súa configuración