Edificio proxectado en 1905 por Pacewicz. Ten unha planta baixa e tres altas. O eixe de simetría é o chafrán, que está rodeado de dúas galerías metálicas que percorren os dous primeiros pisos. Na parte superior o edificio queda rematado cun peitoril cego e un ático apuntado na esquina. A parte inferior é a máis ornamentada. Empréganse ménsulas corridas para sustentar a galería e almofadados diferentes ao resto das plantas pero moi sobresaíntes e de gran beleza.