Igrexa do século XIX, de estilo ecléctico, é un dos templos parroquiais máis grandes do ámbito rural de Ferrol. Planta rectangular e dous pequenos corpos pegados nos muros meridional e setentrional. Muros de cachotaría (reutilizar da antiga igrexa), revogados e pintados de branco. Cuberta a dúas e catro augas. No seu interior unha nave, dúas pequenas capelas laterais, presbiterio e unha pequena sancristía, retablo con elementos barrocos e, presidíndoo, a imaxe de Santa Uxía. Aos pés un coro alto. No exterior distinción volumétrica dos seus corpos. Fachada principal que vai dun barroco clasicista a un eclecticismo, cunha cornixa medio voada.