Tipo de monumento: relixioso. De interese histórico, etnográfico, relixioso e arquitectónico.

Datación indeterminada. Elementos da baixa Idade Media e posterior. Estética barroca.

O conxunto monumental da igrexa de Almoite componse de templo relixioso, viacrucis no muro que o rodea, peto de ánimas e cruceiro na entrada principal. As obras de arte pódense clasificar dentro do estilo barroco.

Representa un conxunto de elementos típicos da arquitectura relixiosa en Galicia, que aquí podemos visualizar a un tempo.

O cruceiro de pedra érguese ao pé das escaleiras da entrada principal. Na balaustrada, de forma cilíndrica, dispóñense as imaxes de Adán e Eva e a serpe nunha alegoría da expulsión do Paraíso. Remata nun capitel e nunha cruz bifronte coas figura de Cristo e da Virxe. O peto de ánimas está situado no muro do adro da igrexa parroquial de Almoite.