Propiedade privada non visitable.
Conxunto rodeado por unha longa muralla con portón de entrada. O edificio ameado, sen carácter militar, desenvólvese en dúas plantas en forma de L con cuberta a catro augas onde se combina a tella e o xisto. Unha escalinata pétrea con balaustre de madeira dá acceso á segunda planta. Na fachada principal atopamos un escudo de armas realizado en pedra, cos símbolos das diferentes familias enraizadas historicamente co pazo. O espazo complétase cunha capela adicada a San Miguel e uns xardíns onde se alternan árbores ornamentais e xeométricos deseños.
Cronoloxía: orixe no século XV.
Estilo: barroco.