CASA  DO MUDO é unha antiga casa de labranza restaurada. Os espazos están moi coidados, mantendo sempre o aspecto rústico do edificio. Casa  do Mudo é moito máis que unha casa rural, é un fogar.
As nove habitacións contan con baño completo, televisión e wifi. A que se atopa na planta baixa está adaptada a minusválidos.
Cada unha das tres plantas da vivenda conta con espazos comúns. Unha delas serve de comedor e dispón dunha  lareira, a segunda ten unha sala de estar e a terceira conta cunha biblioteca.
No exterior, ademais dun rechamante hórreo, hai un alpendre para descansar ao aire libre, adornado con apeiros de labranza. A coidada decoración, con mobles rústicos e distintos deseños para cada habitación, é un dos aspectos máis rechamantes.
Ademais, ofrecemos almorzos completos nun agradable comedor con vistas ao xardín e se o tempo permíteo, tamén se poden gozar fóra.
Baixo petición previa, estes espazos tamén permiten gozar dunha exquisita cea con comida caseira realizada con produtos autóctonos.
A leira, de sete mil metros cadrados, dispón de grandes zonas axardinadas e dun amplo e coqueto soportal.
Situada nun burgo de baixa densidade de poboación como A Senra, Casa  do Mudo atópase nun espazo tranquilo e rodeada dunha preciosa contorna natural, con ríos próximos, fervenzas e muíños de auga. É unha zona ideal para a práctica de sendeirismo, o cicloturismo ou simplemente pasear e deleitarse coa natureza.