O cruceiro componse de plataforma de tres chanzos sobre os que se asenta un pedestal prismático de arestas superiores rebaixadas. Deste, arranca o varal con comezo de pequeno tramo en sección cadrada e logo tórnase circular. Cruz de sección cadrada con arestas biseladas e remates de brazos cuarteados. No anverso vai a figura do Crucificado e no reverso a da Virxe co corpo de Cristo morto no seu colo. O tallado das figuras é pouco refinado e moi elemental nos detalles anatómicos.

Ao atoparse na ruta Xacobea de Santiago a Fisterra, os peregrinos foron amontoando pedras ao seu carón e a apenas se poden ver os chanzos.