Dentro da propiedade de Vila Purificación, unha das casas máis antigas do Porto de Cereixo, pódese ver un dos cabazos de maior lonxitude de Galicia. Trátase dun cabazo do tipo «Fisterra», realizado totalmente en pedra que conta con nove pares de pes e 26 metros de longo.
O seu grande tamaño débese a que Vila Purificación era o lugar onde se cobraban os foros da zona. Como moitos foros pagábanse en especie, normalmente cereais (trigo, millo…), precisábase dun bo celeiro para gardalos.