Fonte de cantería, de gran sinxeleza. Composta por dous cabezais de pedra unidos por unha moldura. Dedicados a San Paio e á Virxe de Pastoriza, representado cada un dentro dunha fornela e con tarxetas epigráficas independentes: "Fonte de Pastoriza. Á deboción de Manuel López. Ano 1890" "Fonte de San Paio. Á devoción de Manuel López. Ano 1890". Aínda que tivo dous canos, un para cada devoción, actualmente non flúe a auga. Nas inmediacións, atópase o cruceiro de San Paio e a igrexa parroquial.