Érguese sobre dous chanzos de pedra e un cubo moi alto. A continuación disponse unha columna octogonal que remata nun capitel redondo con colar, decorado mediante tres cabezas de anxos e unha caveira que se sitúan aos pés do Salvador. Unha cruz cadrada sostén no seu anverso a un Cristo e no seu reverso á Virxe. O ano de realización deste cruceiro aparece gravado na parte dianteira da base: "Ano de 1721".