Edificio do 1903, con marcada horizontalidade, organizándose o espazo nunha planta rectangular de 6m de altura, con cuberta de tella do país a dúas augas.
A disposición dos ocos na fachada realízase de forma sinxela, mantendo un ritmo macizo - van axeitado, sendo as fiestras de traza vertical e con lintel en arco de medio punto. Uns óculos sitúanse no “espazo macizo” do paramento. Os muros están pintados en cor branca, marcándose os esquinais con pezas de cantería.
Actualmente funciona como central hidroeléctrica e como Centro de Interpretación da Electricidade.