Sitúase presidindo unha praza, a uns 50 metros aproximadamente da Igrexa parroquial de Arantei e do Pazo de Souto. Un pedestal de tres chanzos con molduras e inscrición sustenta un esvelto fuste no tramo medio do cal se pega unha bela escultura dunha imaxe mariana. Remata o conxunto unha típica cruz no anverso da cal se dispón un Cristo crucificado cun anxo aos seus pés portando un cáliz, o cal recolle o sangue de Cristo. Data do 1904.