Cruceiro sobre grada troncopiramidal e base circular, realizado en granito. Posúe cruz circular, leñosa e con nós, coas imaxes de Cristo crucificado con tres cravos, cabeza cara a dereita, mans pechadas, con coroa de espiñas, pano de pureza anoado á dereita e INRI de pergameo no anverso e a Dolorosa cos dedos das mans entrelazados, espada cravada e sobre peaña dun anxo con ás no reverso. Capitel cuadrangular e fuste circular leñoso, con nós que comeza e remata cadrado. É de propiedade particular.