Doado polo concello de Catoira, a súa base atópase profusamente decorada con formas curvilíneas, símbolos e osos relacionados coa morte. Fuste circular e dobre capitel o que incrementa a sensación de elevarse cara ao ceo. O primeiro capitel está ornamentado e o segundo é octogonal. Enriba as imaxes de cristo crucificado mirando cara a Catoira e a virxe co seu fillo no colo, mirando cara Rianxo. Indica a ruta fluvial do Camiño de Santiago.