Vivenda de titularidade PRIVADA, en planta baixa e planta alta. Conta con muros de cachotería e elementos de cantería en vanos e cornixas. Ten a cuberta formada por entramado de madeira e cubrición de lousas de xisto. Porta de acceso rectangular rematada en lintel curvo e pequeno lucernario sobre a mesma. As fiestras son acristaladas con batente en dous corpos. Carpintería de madeira na porta de acceso e carpintería en fiestras de planta alta, sobre unha das cales se atopa un reloxo de sol. Conta cunha edificación apegada á vivenda con cuberta de fibrocemento a unha auga. Está situada nunha contorna rural, diante da igrexa parroquia de San Pedro de Xuances.