Pequena capela tradicional de planta rectangular pouco desenvolvida e cuberta a dúas augas levantada en cantaría de mediana calidade (opus vittatum) que se sitúa no centro da aldea de San Xoán. Carente de ocos de iluminación, o acceso realízase a través dunha porta con lintel situada no eixo da fachada principal. O hastial aparece coroado por unha espadana dun único oco que acolle un pequeno sino.