Capela tradicional de planta rectangular e cuberta a dúas augas levantada en cantaría de boa calidade (opus quadratum) que se sitúa no núcleo de O Carballal. O edificio presenta unha serie de pequenos ocos de iluminación en forma de vans seteiras de derrame externo abertos nos alzados penal e costal. O acceso realízase a través dunha porta con lintel situada no eixo da fachada principal. O hastial aparece coroado por unha notable espadana dun único oco que acolle un pequeno sino.