Templo parroquial de planta rectangular e cuberta a dúas augas que se localiza ao este da parroquia de Queimadelos. Situada nun contorno natural e escasamente urbanizado, a súa fachada ofrece unha notable proxección vertical, carente de calquera tipo de ornamentación, exceptuando a súa espadana, que presenta unha dobre perforación coroada por pináculos. No muro N apégase ao presbiterio, lixeiramente elevado e protexido por unha cuberta a catro augas, unha sancristía de planta cuadrangular.

No seu adro destacan valiosos exemplos de nichos labrados en pedra de grande calidade arquitectónica.