Igrexa de planta rectangular, a partir de muros que se presumen de cachotería, se ben hoxe en día atópanse lucidos con morteiro de cemento e pintados de branco. Os marcos de portas e xanelas, así como os esquinais son de cantería de granito, ó igual que a zona central da fachada principal. Cuberta a dúas augas con rematado de tella curva sobre entramado de madeira. Dúas portas de acceso, unha principal e a outra en lateral. Pequenas aberturas abucinadas, con dobre funcionalidade: ventilación e iluminación. Remata a cuberta nunha robusta espadana dun só oco con arco de medio punto que aloxa unha campá. Por encima adornos en pedra e unha sinxela cruz metálica.