Ponte que, polo menos en parte, podería ser medieval, situado sobre o río Frai Bermúz e nas inmediacións de Alto Xestoso. Composto por grandes pezas irregulares de pedra, combinadas con laxas máis pequenas de cachotes. O paso do río sálvase cun só oco trazado con arco de medio punto lixeiramente apuntado, reforzado con doelas a xeito de pezas de cantería. Os extremos apoian directamente no terreo, carece de tallamares debido á estreiteza do río e ao seu escaso caudal. Con varanda de ferro forxada.