Está composto por un edificio central de pranta rectangular, con dous pisos, teito a catro augas en lousa e construido en sillería granítica local. Sobre a porta de entrada atopábase un dos seus escudos que agora falta pero no lateral esquerdo da mesma conservamos outro. É un escudo circular onde nun só campo, aparecen cinco mulleres co torso un e tapadas por cinco vieiras na súa parte baixa. O conxunto está tocado con elmo de fidalguía con mirada á destra e a bordura presenta a seguinte inscrición: “Decus Miranda Propago Faemineum Servatae”. Propiedade privada non visitable.