A construción orixinal, que incluía unha torre, foi derrubada e levantouse o edificio actual a fins do s. XVII - principios do s. XVIII. En época recente foi rehabilitado polo concello para albergar a biblioteca pública segundo o proxecto do arquitecto Rafael Baltar Tojo. Ten planta rectangular, consta de dúas plantas. A cuberta a catro augas con tellado de tella, coroado por unha claraboia. Na fachada destacan a solaina balaustrada sostida por firmes canzorros, con balaústres barrocos, que ocupa toda a fronte, as gárgolas da cornixa e, preto das esquinas, dous escudos debuxados por Castelao na revista Nós. Declarado monumento histórico-artístico en 1973.