Edificación con planta en forma de U que presenta pechados os extremos dos corpos laterais por un muro con escudo e portalón de entrada que dá acceso a un patio con escaleira que conduce á planta principal. Cabe destacar a ampla solaina que se abre na fachada posterior do edificio así como o impoñente portalón de entrada a base dun xogo arquitectónico-estrutural verdadeiramente enxeñoso con escudo ovalado. A súa fundación hai que poñela en relación con Don Pedro González de Rivera e Dona Juana Núñez Falcón, a finais do século XVII. Na actualidade depende da Consellería de Sanidade e Servizos Sociais da Xunta de Galicia, sendo rehabilitado para Centro Social.