Pazo tradicional convertido en aloxamento. Planta irregular.

Construción composta por dúas alturas. Os vans non están dispostos simetricamente, sendo moitos deles de construción recente. Destacan dúas galerías de madeira, no corpo da entrada, unha de cor verde e outra de cor vermella. A fábrica de todo o conxunto é de cachotería. Destaca o reloxo solar e o escudo que fai recordar o pasado señorial do pazo.

Está relacionado cos Ponce de León, apelido moi vinculado á nobreza galega das rías altas. Tamén se sabe que a principios do século XVIII pertencía a un Pardo de Andrade, outra das familias señoriais da bisbarra.