Capela de planta rectangular dunha soa nave. Trátase dun templo de gran sinxeleza e austeridade ornamental. A fachada principal presenta un esquema pentagonal, no eixo vertical central atopamos a porta rectangular de acceso alintelada. Rompendo a cornixa sitúase en posición central a espadana. Posúe un corpo con un único oco de medio punto e campá e un remate con un frontón triangular coroado por unha cruz. Unha placa reza: Santuario dos Milagros de Erbecedo, construída no mesmo solar que ocupou a primitiva igrexa parroquial e inaugurada en 1943.