Igrexa do século XVIII situada nun entorno rural con cemiterio na parte posterior. Posúe planta rectangular dunha soa nave, con gran dimensión no sentido transversal. A nave presenta unha cuberta a dúas augas en tres tramos con diferentes alturas e cuberta de tella cerámica curva. O piñón testeiro coróase cunha cruz de pedra. A decoración redúcese á fachada principal e á espadana campanario.  No eixo vertical central da fachada principal atopamos a porta de acceso rectangular alintelada co símbolo das chaves de San Pedro labrada en pedra e catro pináculos ornamentais, así como unha cruz sobre un frontón triangular.