A senda é lineal e sobe desde Vilanova ata as proximidades do cume de Pena Trevinca. O camiño comeza como unha pista ancha de terra que, en apenas 700 metros, bifúrcase: á esquerda segue o trazado principal (PR-G 198) cara ao monte Maluro e á dereita segue a variante (PR-G 198.1) cara ás coñecidas como “minas dos alemáns”.

A senda e a variante conectan na Poula de Campo Raso. Desde este punto, a ascensión é máis alpina. O percorrido pasa polo Lombo do Rocín, un lugar de crista escarpada, ata alcanzar as cotas do Sestil Alto e A Valigota. Cando o roteiro finaliza, xusto na divisoria entre os vales do río Xares e do río Tera, teremos o cume de Pena Trevinca á nosa dereita.

O regreso pódese realizar pola mesma roteiro, pola variante ou polo resto dos carreiros conectados.