Construción orixinal do s.XX. A casa sufriu diversas ampliacións, aínda que se pode apreciar a construción orixinal sen moitas dificultades. Ten planta cadrada desenvolvida en tres andares con cuberta a dúas augas de tella do país. Con posterioridade engadiuse outro volume de dúas alturas. A cuberta tamén se traza a dúas augas, aínda que se cobre con pranchas de fibrocemento.
Este volume construíuse adiantándose a fachada da vivenda orixinal, polo que, para manter a aliñación edificouse un corpo de formigón asoportalado con arcos de medio punto rebaixados e con dez fiestras na planta superior.